حياة الشباب سهلة جدا ......... والى مش مصدقنى يدخل ويشوف

انا هنا هاركز علي البنات اصلهم بصراحه حاجه تطهق

البنت من دول حقيقي اهبل الكائنات .. تلاقي بقي البنت من دول في
الثانويه العامه ماشيه واخده الكتب في ايديها وباصه في الارض قال ايه بتغض البصر
وهيا ميه من تحت تبن..تدخل الجامعه من هنا ترفع شعار (تعيش
حياه الحريه)اصلها
في بلد ديمقراطي
تلاقي اللبس والميكب اب وحاجات غريبه كده كل حاجه متغيرها فيها تلاقي راسها بقت
عامله زي الاتو كده راس لفت بالظبط قال ايه وتقولك اسبنيش
ووشها بقي ياعيني يامرارتي ياني تلاقي خدودها حمرا اوي تقولشي حاطه صلصله
طماطم
وعنيها بتقلب الوان تقولشي مركبه كشفات عربيه
وجفونها تحولت الي اللون الرمادي وساعات بتديها دوكو عشان يبقي ماشي مع اللبس موضه
يافندم وتقولك ده اي لينر
واللي يفرسك تلاقيها ضربالك البدي علي حته بنطلون ربنا لا يوريكم
وتسألها عن الحجاب تقولك ما انا مغطيه شعري اهه
واول لما تدخل الجامعه علاطول تسأل فين كليه طب وهندسه وصيدله
بصراحه هوه الموضوع ده شغلني اوي اوي كنت عمال افكر هما بيقعدوا ليه في الكليات دي
دي بالذات بس اخيرا
واحده بنت حلال فطمتني علي الموضوع
قالتالي ياخويه دول عايزين يصطادوا عرسان من كليات المرحله الاولي-----
كليات القمه يعني
أكيد عارفين هيا بتعمل ده كله ليه
اتهبلت .........لالا لا عيب
هاقولكم



عشان تعجب واد حليوه متريش ابن ناس عنده عربيه وشقه في الزمالك وبيصيف في
مارينا وبيشتي في اسوان
ويقوم الواد يتهبل في دماغ اهله ويتجوزها
واحنا نقعد نغني علي خيبتنا بدري شوفتوا الجوازه الشيك الفرخه واحلي
ديك


البنات بتتهبل علشان الجواز وعايزين يتجوزوا أحسن يعنسواوشكلهم عامل أزاى وهيلبسوا ايه ويعملوا أيه مش بيفكروا ينموا دماغهم الأول أزاى وأزاى يقدروا يتحملوا مسئوليه بيت يربوا فيه جيل بطريقه صح ولا هى جوازه والسلام وبعد كده اهم عيال يتربوا على جيل هيفا وغيرهم وكل ما كان العريس مريش يبقى أحسن وأحسن حتى لو مكنش عنده أخلاق ولا دين ولا أى حاجه وممكن يكون أساسا مش راجل نص راجل يعنى يبقى ماشى جنب مراته كيس جوافه ولا ليه أى لازمه ..وكل ما أقعد مع صحابى مفيش سيره الا الجواز ودى عملت وده عمل زى ما يكون الدنيا كلها وقفت على الجواز يعنى وياريت اللى بيتجوزوا نفعوا كله واحده تقول انا كنت فى بيت ماما أحسن لحد ما قربت أتعقد وطبعا بما أن الولاد أقل من البنات تلاقى الولد يتشرط تكون البنت موصفاتى كذا وكذا وكذا لحد ما حسيت أن البنات كيس شبسى بلون كذا وبشكل هيفا ونانسى وعمر حد ما يفكر دماغ البنت دى ايه ولا أى حاجه ده يعينى طلع عنيه عقبال ما كون نفسه ليه بقى مش ينقى براحته .... ليه يا جماعه أنا اتهبلت من اللى بشوف بجد يعنى ليه وصلنا لكده ليه الدنيا هبلتنا للدرجه دى وتلاقى البنت من دول 20 سنه وحست أنها معنسه وخلاص يعنى ليه ما فى باباك وماماتك وحاجات كتير أى ممكن تفكرى فيها مش تسودوا الدنيا يا جماعه تفتكروا ليه المجانين دايما بيضحكوا ومبسوطين علشان مش حاطين فى دماغهم عايشين الدنيا وخلاص
أما بقى الولاد بقى اللى هما اساس مشكله البنات وهما اساسا عايزين اللى يطلعهم من مشاكلهم تخلص الكليه من هنا وتلاقى بؤس الدنيا
والأخره طلع عليهم وهم الدنيا والأخره النتيجه وبعدين الشهاده والجيش والخ وطبعا بما أننا فى مصر الحياة زى الفل
والاشية معدن وبيوتنا لا باظت ولا اتخربت ولا اى حاجة خالص
ولا حد بيشتكى لحظة ابدا ابدا
عايشين فى حريه زمن القيود أتحدى لو واحد يوم أتضرب بالافى والناس بتختشى ولا حد بيرتشى الله على الحياه بقى لونها شفتشى ده أحنا لا صوتنا اتنبح ولا فى مااااااااااااااااااااااالطا بندن من الفقر الضنك ولا من تعليم العيال وعلى فكرة عندنا لكل واحد حساب فى البنك ومش بعيد حسابين فى البنك
واللحمة ب7 جنيه وساعات تلاقيها ب6 والشقق مرمية والناس بيترجوك فى الشارع شقة يا استاذ عمارة يا بيه
والشغل فى كل حتة والحياة بلونها بامبى وانا جامبك وانت جامبى وسهينى تلاقينى
وكما قال الشاعر
اكيد لما ناخد بالقلة هنقول يا حللولة
ونتزبرق شوية كمان
بجد يا جماعة الواحد فرحان انه مصرى وعايش فى مصر
انا يمكن اعيط الوقتى واكتبلكوا النشيد الوطنى
على فكرة انا قاعد بسمع فى نشيد بلادى بلادى الوقتى
وعندنا الوقتى العدس بقا ب3 جنيه على رأى الكينو وهوا مبسوط اووى بالحوار ده والاغنياء يعطفون على الفقراء بس احنا ما عندناش فقراء اصلا ونسبة البطالة صفر
وفى 3 كلمات حاليا فى دماغى بعد الموضوع ده
تبا وبئسا وسحقا
وفى الختام
تحيا مصر