الذكريات00

حبيبي ريّـح امزونـك .. ذبـل ورد الغـرام .. و مـات
تعال و جمّع .. اوراق ٍ .. بقـت فـي ذاتـي .. و ذاتـك
تعبت اقول لك.. إلحق .. على شـوق ٍ زهـق .. بسكـات
تعبـت .. آلـوّح بيـدّي .. قطـار الشـوق مـا فـاتـك
قعدت اتطاوع اظروفك .. و مـرّك هالقطـار .. و فـات
و جيـت اتلملـم .. اشـلاء الحنيـن .. بكـف ّ شرهاتـك
تعال .. و طل ّ في جوفي .. وشف وش لك .. نمى بالذات
مشاعـر .. كنـت انـا اغرسهـا .. و تسقيهـا بكلماتـك
وغصن ٍ لو تبي تهـزّه .. تساقـط فـي يديـك .. ابيـات
كسرته .. و انثنى عِـرق الشعـور .. و شـوف مأساتـك
تغيب .. و لا تبي اشكي ..؟ و احد يرضى على الغيبات ..!
حرام احيا مع اطلال ٍ .. بكت مـن صـوت .. خطواتـك
تذكّر كيف مـن زحمـة .. حياتـي .. اسـرق اللحظـات
و ازيّن .. من دموعي كـف ّ .. لجـل آشيـل .. دمعاتـك
تروح بدنيتـك ناسـي .. و انـا جاالـس مـع الحسـرات
نعـد ّ اذنوبنـا .. و نسـكـت .. إذا جيـنـا لغلطـاتـك
ونمشـي .. نتبـع غيابـك .. نعـد ّ بدربـك الخـطـوات
و نتراهن .. من الأكثر..! غلاك ..! او طـول غيباتـك..!
طلبتـك .. فتّـش ايدينـك .. و دوّر للولَـه ْ .. رسمـات
رحلـت و مـا رسمـت ألا .. مسافـاتـك .. مسافـاتـك
صحيـح ان الزمـن ياخـذ مثـل مـا يـكـرم الـمـدّات
مثل ما للنظر .. نكسه .. و شـف قـدرك .. و طيحاتـك
و انا ادري للرجل .. وقفه ْ مثـل مـا للقـدر .. وقفـات
و انا اذكر للبَخـت ْ .. بسمـه .. قبـل لاشـوف بسماتـك
واذا في شوفتـك رحمـه ..! فيمكـن للجفـا .. رحمـات
احج ّ .. لشوفتك مـرّه .. و لاادري ويـن .. ميقاتـك ..!
حبيبي .. و العتب ما عـاد .. يرضـى بكلمـه و نظـرات
و يُؤْسِفُنـي بِشِِـدّه انتـهـى ... مفـعـول نظـرااااااتـك
و انا اللي كان لـي قلـب ٍ .. يضـخ ّ الحـب بالنبضـات
وروح ٍ طيبهـا .. هفهـف .. عـلـى قيـعـان زلاّتــك
وشـوق ٍ كـان يتزايـد .. كثـر مابخافقـي ... دقــات
تجينـي بعـد ذا كلّـه .. و تـسـأل " ويــن دقّـاتـك "
وش اللي امكلف ٍ نفسـي .. اكابـر .. و اطـرد اللـذات
و انـت الساهـي .. المتـعـذر .. بكـثـر انشغـالاتـك
حصدت اللي زرعته و انت .. خوفـك يحصـد الغفـلات
انا الغلطـان لـي قلـب ٍ .. عَشـق ْ فـوق احتمالاتـك ..
تعيش بواقعـي مـره ... و اعيـش بواقعـك .. مـرااات
و ادوزن .. مـن همومـي .. مسرحيّـه لجـل ضيقاتـك
ابرحـل فـي غياهيـب الزمـان .. و اركـب السـجّـات
مـع انـي منْـك متعطّـش ... ماجـي شفقـان قطراتـك
مدام انك.. شحيح المـا .. ذبـل ورد الغـرام .. و مـات
حرام اغرس لك احساس ٍ .. زهق مـن طـول .. غيباتـك
خلاص ارجع... قطار الشوق ...مرّك من زمااان .. و فات
او اركب.. في قطار الذكريـات ..( إن ) كـان مـا فاتـك

/المتيمه
/







التوقيع :